Transcription
1
Monseigneur, ses jours passez, nous fuct donné advertissementz par
2
certains courriers disantz en avoyr charge de monsieur d’Orche que
3
les ennemys entreprenoyent sur ceste ville. Cependant que nous
4
le metions en doubte, nous avons sceu pour certain quilz
5
se sont assamblez à Serière, ont arresté des bateaulx
6
chargez de marchandise et, au moyen diceulx sont passez
7
en bon nombre de deça, de quoy nous extimons que soyez jà
8
adverty. Et neantmoings vous en avons faict ce mot
9
pour vous supplier, monseigneur, de nous voulloyr donner
10
le secours de gens et aultres moyens que scavez assés
11
nous estre necessaire. Nous avons tousjours continué la garde
12
de ceste ville avec le plus de soing et dilligence que
13
possible nous a esté. Et pource faire avons soustenu
14
beaucoup de despance non prise dalheurs que des citoiens
15
dicelle, ce que a grandement dyminué ce peu de moyen
16
que nous avons de fournir. En actendant ce quil vous
17
plaira ordonner pour pourvoyr à la presente necessité, monsieur
18
le vibailly a mandé prier monsieur du Colombier et quelques
19
ungs de noz voysins, de nous acommoder de quarante ou
20
cinquante soldatz pour augmenter noz gardes, desquelz nous
21
esperons ce jourdhuy avoyr nouvelles. Nous avons
22
aussi pourveu au faict des chasteaulx et continuerons
23
à faire ce que verrons estre expedient pour notre garde,
24
attendans ce quil vous plaira nous commander pour
25
vous obeyr tousjours de la mesme devotion que nous
26
vous suppllions nous continuer en vos bonnes graces et
27
faveur, priantz Dieu,
28
monseigneur, vous donner en parfaicte sancte l’entier
29
[168B]
30
contantement de ce que plus desirez. De Vienne,
31
ce XXIIIIe mars 1574.
32
Vos très humbles et très affectionnés
33
serviteurs les consulz de Vienne
34
Savignieu